Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin Abşeron, Sabunçu, Nərimanov, Yasamal Sosial Xidmət Mərkəzlərində və Sumqayıt Sosial Xidmət Kabinetində yanvar-iyun aylarında 296 uşağa reabilitasiya xidmətləri göstərilib. Nazirliyin İctimaiyyətlə əlaqələr şöbəsindən SİA-ya verilən məlumata görə, həmin mərkəzlərdə 18 yaşınadək əlilliyi müəyyən edilmiş şəxslərin sosial işçi, psixoloq, sosial pedaqoq, loqoped və aktiv terapevt tərəfindən reabilitasiya ehtiyaclarının qiymətləndirilməsi aparılır.
Qiymətləndirmənin nəticələrinə uyğun olaraq xidmətə cəlb olunan uşaqların fərdi inkişaf planına əsasən fərdi və qrup şəklində sosial reabilitasiyası həyata keçirilir.
Mərkəzlərdə mütəmadi olaraq valideynlərin bilik və bacarıqlarının artırılması məqsədilə tədbirlər də həyata keçirilir.
Bütün xəbərlər Facebook səhifəmizdə
USD
EUR
GBP
RUB