YAP İmişli rayon təşkilatında “Qərbi Azərbaycana qayıdış” olimpiadasında gümüş medal qazanmış İmişli şəhər 1 saylı tam orta məktəbin 10-cu sinif şagirdi Ağayev Ruslan Ceyfun oğlu ilə görüş keçirilib. SİA xəbər verir ki, görüşdə YAP İmişli rayon təşkilatının sədri Səfa Ağayev, İmişli rayonu üzrə Təhsil Sektorunun müdiri Kərim Kərimov, İmişli şəhər 1 saylı tam orta məktəbin direktoru Yusif Hüseynov və valideyn Ceyfun Ağayev iştirak edib.
Görüşü giriş sözü ilə açan YAP İmişli rayon təşkilatının sədri Səfa Ağayev Ruslan Ağayevi öz rəqiblərini məğlub edərək bilik yarışmasında sonacan mübarizə aparıb gümüş medal almasına görə təbrik edib, ona bundan sonrakı təhsil həyatında bol uğurlar arzulayıb. Natiq vurğulayıb ki, Azərbaycan xalqının tarixi yaddaşında və milli şüurunda əzəli yurd yerimiz olan Qərbi Azərbaycan torpaqlarının xatirəsi hər zaman yaşayır. Prezident İlham Əliyevin uzaqgörən siyasəti və qətiyyətli liderliyi sayəsində 2020-ci ilin 44 günlük Vətən müharibəsi və 2023-cü ilin 23 saatlıq antiterror əməliyyatı nəticəsində Azərbaycanın ərazi bütövlüyünü tam bərpa etməsindən sonra Qərbi Azərbaycandan olan soydaşlarımızın da vaxtilə didərgin salındıqları ata-baba yurdlarına qayıdacağına inamı artıb.
İmişli rayonu üzrə Təhsil Sektorunun müdiri Kərim Kərimov qeyd edib ki, bu gün ölkəmizdə təhsil sahəsində uğurlar davamlı şəkildə artmaqdadır. Yaxın günlərdə müəllimlərin sertifikatlaşdırılması prosesi baş tutdu. Təhsilverənlərin də yüksək nəticələri təhsilalanlar üçün xüsusi əhəmiyyət daşıyır. Bu gün şagirdlər kimi müəllimlər də öz üzərində çalışırlar. Təhsilalan şagirdlərimizin olimpiadalara, intellektual yarışmalara qoşulmasına önəm veririk. Bu onların dünyagörüşündə mühüm rol oynayır.
Valideyn Ceyfun Ağayev Azərbaycanda təhsilin inkişafına göstərilən diqqət və qayğıya görə cənab İlham Əliyevə və Mehriban xanım Əliyevaya minnətdarlığını bildirib.
Görüşün sonunda olimpiadada gümüş medal qazanmış Ruslan Ağayevə YAP İmişli rayon təşkilatı tərəfindən hədiyyələr təqdim olunub.
Bütün xəbərlər Facebook səhifəmizdə
USD
EUR
GBP
RUB
