Fövqəladə Hallar Nazirliyi (FHN) yanında İctimai şuranın üzvləri çimərlik mövsümü ilə əlaqədar Xəzər rayonunun Mərdəkan qəsəbəsində fəaliyyət göstərən çimərlik ərazilərində monitorinqlər keçiriblər. FHN-in mətbuat xidmətindən SİA-ya verilən məlumata görə, monitorinqlərin keçirilməsində əsas məqsəd çimərliklərdə xilasetmə işinin təşkili, ərazidə xidmət aparan xilasedicilərin hazırlıq səviyyəsi və təchizatı ilə bağlı vəziyyətin yerində qiymətləndirilməsi olub.
Monitorinqlər zamanı FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin nümayəndələri tərəfindən Şura üzvlərinə çimərlik mövsümünə hazırlıqla əlaqədar görülmüş işlər barədə geniş məlumat verilib. Bildirilib ki, apreldən etibarən çimərlik üçün təhlükəsizlik baxımından istifadəyə yararsız və təhlükəli ərazilər müəyyənləşdirilib, xidmətin nəzarət etdiyi çimərliklərdə üzmə sərhədlərini müəyyən edən nişanlar və ərazidə istirahət edən vətəndaşların təhlükəsizlik qaydaları ilə bağlı maarifləndirilməsi üçün xəbərdaredici lövhələr quraşdırılıb. Eyni zamanda, çimərliklərdə kompleks təhlükəsizlik tədbirləri görülüb, dalğıclar tərəfindən sualtı baxışlar keçirilib və bu proses zamanı aşkarlanmış təhlükəli ərazilərdə qadağanedici nişanlar quraşdırılıb.
Daha sonra Şura üzvləri çimərlik operatorlarının fəaliyyəti ilə tanış olaraq xilasedicilərin şərti xilasetmə əməliyyatı vasitəsilə hazırlıq səviyyələrini qiymətləndiriblər. Bundan əlavə, xilasedicilərin təchizatı barədə geniş məlumat verilib.
Xidmətin çimərlik mövsümünə hazırlıqla bağlı gördüyü işləri yüksək qiymətləndirən İctimai şura üzvləri sahilboyu ərazilərdə monitorinqlərin davamlı olaraq aparılacağını bildiriblər.
Bütün xəbərlər Facebook səhifəmizdə
.jpg)
USD
EUR
GBP
RUB
