Hazırda ölkə ərazisində müşahidə olunan qeyri-sabit hava şəraitinin əsas səbəbi şimal-qərbdən ölkə ərazisinə daxil olan siklonik prosesdir. SİA xəbər verir ki, bu sözləri Milli Hidrometeorologiya Xidmətinin rəis müavini Əkbər Əsgərov deyib.
Onun sözlərinə görə, siklonun arxa hissəsində formalaşan atmosfer cəbhəsinin təsiri nəticəsində təhlükəli ildırım bulud sistemləri formalaşır:
"Nəticədə şimşək çaxır, leysan xarakterli yağış yağır. Həmçinin siklonik sinoptik şərait üçün xarakterik olan arabir güclənən şimal-qərb küləkləri müşahidə olunur. Bu proseslər mütəmadi olaraq tərəfimizdən izlənilir və bu barədə aidiyyatı təşkilatları kütləvi informasiya vasitələri məlumatlandırılır. Müşahidə olunan faktiki hava şəraiti və gözlənilən proqnoztik məlumatlar prosesinin intensivliyindən asılı olaraq gün ərzində bir neçə dəfə yenilənərək Xidmətimizin sosial platformalarında yayımlanır".
O qeyd edib ki, ölkə ərazisində müşahidə olunan qeyri-sabit hava şəraitinin iyunun 23-ü gündüzədək fasilələrlə davam edəcəyi, bəzi yerlərdə arabir yağış yağacağı, şimşək çaxacağı gözlənilir:
"Ayrı-ayrı yerlərdə yağıntıların leysan xarakterli intensiv və güclü olacağı, dolu düşəcəyi ehtimalı var. Gözlənilən yağıntılarla əlaqədar çaylarda sululuğun artacağı, bəzi çaylardan qısamüddətli daşqın və sel keçəcəyi ehtimalı var. İyunun 21 20 ikisində bəzi bölgələrdə əvvəlcədən verilən sarı, narıncı və qırmızı xəbərdarlığa uyğun olaraq qərb küləyinin arabir güclənəcəyi gözlənilir".
Bütün xəbərlər Facebook səhifəmizdə
USD
EUR
GBP
RUB