Xərçəng yaradan KERATİN: DƏHŞƏTLİ FƏSADLAR - ARAŞDIRMA

Son zamanlar bir çoxunun etdirdiyi keratin prosedurundan əvvəl keratinin nə olduğunu və saç quruluşuna nə üçün lazım olduğunu bilmək vacibdir.

SİA mövzu ilə bağlı araşdırma aparıb.

Keratin bədənin saç, dırnaq və dəri strukturlarının sağlam və güclü qalmasını təmin edən zülallar qrupudur. Epitel hüceyrələrində struktur və qoruyucu rol oynayır. Keratinlərin bəziləri hüceyrə böyüməsi və zülal sintezindən məsuldur. Bu səbəbdən dırnaqlar və saçlar davamlı olaraq uzanır.

Bədəndə təbii olaraq tapıldığı zaman saç, dırnaq və dəri quruluşu güclənir. Son illərdə xüsusilə qadınlar saçlarını gücləndirmək və onlara qulluq etmək üçün keratinə üstünlük verirlər. Yəni, bu ən çox saç baxımında önə çıxır. Keratin proseduru buruq saçların düzəldilməsində üstünlük verilən keratin baxımı ilə edilir. Ancaq bu proses çox da zərərsiz deyil.

Keratin baxımının zərərləri nələrdir?

Baxım olaraq adlandırılsa da, kimyəvi tətbiq olunan bir prosesdir. Keratin baxım zərərləri üç fərqli şəkildə araşdırıla bilər; saç, dırnaq və dəri kimi. Saç, dırnaq və dəri üzərində edilən bu prosedurlar təbii quruluşun pozulmasına səbəb olur. Xüsusən də ölkəmizdə keratin baxımı adı altında nəhəng bir sənaye yaranıb və heç birinin əsl keratin əlavələri vermədiyi ekspertlər tərəfindən bildirilir:

- Bu üsulla saçlar ilk dəfə tətbiq olunduqda canlı və parlaq görünür. Lakin ilk yuyulmadan sonra canlılığını itirir. Saçlara tətbiq olunan keratin müalicəsi qısa müddətdə təsirini itirir. Baxımın təsiri azaldıqca saçlar mat bir görünüşə çevrilir. Proses zamanı intensiv istilik tətbiqi saçın qurumasına və kövrəkləşməsinə səbəb olur.

- Keratin qulluğu istilik ilə aparılır. Bu proseslə saçın xarici qoruyucu təbəqəsində çatlar əmələ gəlir. Bu çatlar saçın qurumasına, qırılmasına və daha çox qıvrılmasına səbəb olur.

- Keratini uzun müddət saçda saxlamaq üçün müxtəlif xüsusi məhlullardan istifadə edilir. Saçlar bu məhlullarla zədələnə bilər. Bundan əlavə, keratin ciddi sağlamlıq problemlərinə səbəb olur.

- Bazarda bir çox saç keratini qulluq məhsulları var. Onların əksəriyyətində zəhərli maddələr mövcuddur. Bu aktiv zəhərli maddələr keratin baxımının ciddi zədələnməsinə səbəb olur. Keratin saça qulluq vasitələrinin əksəriyyətində formaldehid adlı çox zəhərli maddə olur. Bu zəhərli aktiv tərkib baxımın ilk mərhələsində istifadə olunur. Tənəffüs zamanı və ya dəri vasitəsilə udulduğunda insana çox ciddi zərər verir. Bu zəhərli maddə dəri və böyrəklərə də zərər verir. Tərkibində formaldehid olan məhsulların Yaponiya, İsveçrə, Amerika və Kanadada qulluq vasitələrində istifadəsi qadağandır.

- Tərkibində formaldehid olan keratin məhsullarının zədələnməsi bəzən qısa müddətdə özünü göstərir. Prosedur zamanı gözlərdə sulanma, yanma və qaşınma əmələ gəlir. Boğazda qıcıqlanma və hətta burun qanaması da ola bilər. Astma, bronxit, tənəffüs problemləri yaranır.

- Keratin baxım məhsullarının tərkibində də olan aktiv tərkib formaldehid çox ciddi kimyəvi maddədir və xərçəng növlərini dəvət edir. Bu zəhərli aktiv maddə siqaret tüstüsü, odun-kömür sobaları və işlənmiş qazlarda da olur.

- Keratin müalicəsinin zərərli təsirləri arasında ən çox diqqət çəkəni xərçəngdir. Xərçəng riski ilə yanaşı, uzun müddət aktiv tərkib hissəsi olan formaldehidə məruz qalan insanlarda mərkəzi sinir sistemi zədələnir. Şiddətli baş ağrıları, depressiya, yuxu problemləri, diqqətsizlik və unutqanlıq yarana bilər.

- Keratin baxımı dəridə allergik reaksiyaya, dəridə qaşınma, yanma və qızartıya səbəb ola bilər. Həmçinin, yanlış və tənzimlənməmiş qulluqdan sonra ciddi saç tökülmələri baş verə bilər.

- Bazarda aktiv tərkib hissəsi keratin olan bir çox məhsul var. Keratin saça qulluq maskası, saç serumu, keratin şampunu bu məhsullardan bəziləridir. Bunların heç biri saçınızın ehtiyac duyduğu keratin baxımını təmin etmir. Çünki bu maddələrin yaradılmasında çoxlu müxtəlif aktiv maddələrdən istifadə olunur.

- Saçınızın ehtiyac duyduğu keratin bu inqrediyentlərdə saf formada yoxdur. Bu səbəbdən sağlam keratin baxımı əldə edilə bilməz. Yanlış tətbiqlər və uyğun olmayan tərkibli məhsullar saça çox zərər verir.

- Parlaq və canlı saç görünüşünə nail olmaq üçün vərdiş halına gələn bu baxım, bir çox sağlamlıq problemləri riskini də özü ilə daşıyır. Əgər çox ciddi xroniki xəstəlikləriniz varsa, keratin baxımının əks təsirlərini daha tez hiss edəcəksiniz.

Evdə keratin baxımı etmək zərərlidirmi?

Bazarda keratin botoksu və ya baxım adı altında bir çox məhsul satılır. Amma evdə qulluq üçün təbii məhsullar seçməlisiniz. Aldığınız qulluq məhsullarının tərkibində paraben, sulfat, duz, formaldehid, silikon və SLS olmamasına diqqət yetirməliyik.

Bundan əlavə, keratin tərkibindəki zərərli aktiv maddələrin çox olması səbəbindən ev şəraitində daha uzun müddətli yan təsirlərə səbəb olur. İstifadə etdiyiniz keratinin keyfiyyətinə və təhlükəsizliyinə əmin olmalısınız.

Dırnaq keratini

Dırnaqlara keratin baxımı tez-tez qırılan və parçalanan dırnaqları gücləndirmək məqsədi daşıyır. Məqsəd dırnaq qırılmalarının qarşısını alaraq daha güclü dırnaqlara sahib olmaqdır.

SAÇ, DIRNAQLAR VƏ DƏRİYİN EHTİYACI OLAN KERATİNİ NECƏ TƏMİN EDƏ BİLƏRƏM?
Keratin proteini bədənimizdə təbii olaraq istehsal olunur. Ancaq sağlamlıq problemlərinə görə zaman zaman qeyri-kafi ola bilər. Belə dövrlərdə qidalanma yolu ilə keratin əlavələri vermək ən yaxşısıdır. Tərkibində keratin olan qidalardan istifadə etməliyik. Keratin ehtiva edən qidalar bunlardır: soğan, kartof, qızılbalıq, yerkökü və yumurta.

Ayşən Vəli