“Günümüzdə xanımların müraciət etdiyi prosedurlar əvvəlki illərə nəzərən daha təbii görünüş əldə etmək istəmələridir. Son zamanlar dodaqların sadə formada olmasını istəyən pasientlər daha da çoxalır. Pasientlər kosmetik vasitələrdən, tonal vasitələrdən uzaqlaşmaq məqsədi üçün üz dərilərinə qulluq vasitələrindən daha geniş formada istifadə edirlər. Məsələn, kök hüceyrə, bioravitalizantlardan, mezo və müxtəlif kokteyl tərkibli preparatlar və.s". Bu sözləri SİA-ya kosmetoloq Xatirə İsmayılova deyib.
Xatirə İsmayılova kosmetoloji prosedurlardan biri olan botoksdan danışıb: "Botoks öz aktuallığını qoruyur, çünki dərinləşmiş qırışları başqa vasitə ilə açmaq mümkün deyil. Hər prosedurun riskləri var təbii ki, bu cox geniş mövzudur. Riskli prosedurların yaranmaması üçün üz anatomiyasını bilmək lazımdır”.
Kosmetoloq sözlərinə davam edərək bildirib ki, botoks prosedurunda ehtiyac olan nahiyələrə toksin ineksiya edilir: “Yanlış texnika ilə və ya yanlış nahiyələrə vurularsa üz iflicinə, dərin ptozlara, boğulmalara və.s gətirib çıxara bilər. Yanlış edilən burun dolğusu korluqla və ya nekrozla nəticələnə bilər, ya yanlış texnika ilə vurulmuş göz altı işıq dolğusu nəticəsində 2-3 il pasiyent əziyyət çəkə bilər. Belə halların baş verməməsi üçün doğru texnika ilə doğru nahiyələrə prosedurlar etmək lazımdır".
Ləman Sərraf
Bütün xəbərlər Facebook səhifəmizdə
USD
EUR
GBP
RUB