Azərbaycanın Qırğızıstandakı səfirliyində Novruz bayramına həsr olunmuş tədbir keçirilib.
SİA AZƏRTAC-a istinadən xəbər verir ki, tədbirdə çıxış edən Azərbaycanın Qırğızıstandakı səfiri Lətif Qəndilov Novruzun həm Azərbaycan xalqı üçün, həm də qardaş ölkələr üçün əlamətdar bayramlardan biri olduğunu deyib.
“Burada ümumi ənənələrə və prinsiplərə əməl olunur. Bu gün il yenilənir, təbiət oyanır. İnsanlar ən gözəl paltarlarını geyinirlər, küsülü olanlar barışırlar. Bayramın əsas ənənəsi tonqalın qalanması mərasimidir. Yanğın pis və mənfi olan hər şeyi aparır. Bu gün biz digər səfirliklərdən olan bütün həmkarlarımızı bu bayrama dəvət etmişik. Bu il bu bayramın başqa bir mühüm xüsusiyyəti onun müqəddəs Ramazan bayramı ilə üst-üstə düşməsidir", - deyə diplomat vurğulayıb.
Daha sonra tədbirdə artistlər və musiqiçilər bədii proqramla çıxış ediblər.
Bütün xəbərlər Facebook səhifəmizdə
USD
EUR
GBP
RUB