Ailə, Qadın və Uşaq Problemləri üzrə Dövlət Komitəsi tərəfindən 26 dekabr 2023-ci il tarixində saat 10:30-da Bakı şəhərində yerləşən Four Seasons otelinin Rast zalında cari il ərzində uşaq hüquqları, xüsusən də uşaqların inkişaf hüququ sahəsində səmərəli fəaliyyəti ilə seçilən uşaqların mükafatlandırılması məqsədi ilə “Qalib Ölkənin Qalibləri-2023” adlı tədbir keçiriləcək.
Tədbirdə Uşaq Səfrilər Məclinin üzvləri və regional nümayəndələri də daxil olmaqla respublikanın bütün şəhər və rayonlarından fəallığı, xüsusi bacarıq və istedadı ilə seçilən, liderlik keyfiyyətlərinə sahib olan 100-ə yaxın uşaq iştirak edəcək.
Qaliblər “Ən fəal layihə təşkilatçısı”, “Ən uğurlu layihə”, “Ən fəal təlimçi”, “Uğurlu beynəlxalq təmsilçilik”, “Mübariz ruh” və “Uşaq inkişafına töhfə” adlı 6 nominasiya üzrə diplom, mükafat və hədiyyələrlə təltif olunacaqlar.
Mükafatlandırma mərasimi boyunca müxtəlif nominasiyalara layiq görülmüş iştirakçıların uğurlarına dair videoçarxlar nümayiş etdiriləcək, eyni zamanda istedalı uşaqların ifasında musiqilər səsləndiriləcək.
Bütün xəbərlər Facebook səhifəmizdə
USD
EUR
GBP
RUB