Avqustun 2-də Yuxarı Qarabağ su kanalının Bərdə rayonunun Qaraqoyunlu kəndindən keçən hissəsində bəndin bir hissəsinin uçması nəticəsində ətraf ərazilər subasmaya məruz qalıb.
SİA-nın AZƏRTAC-dan əldə etdiyi məlumata görə, Dövlət Su Ehtiyatları Agentliyinin nümayəndəsi Dilqəm Şərifov bildirib ki, Agentlik tərəfindən dərhal kanaldan suyun axmasının qarşısının alınması ilə bağlı tədbirlərə başlanılıb. Dövlət Su Ehtiyatları Agentliyinin sədri Zaur Mikayılov və aidiyyəti şöbə müdirləri hadisə yerində olublar. Yuxarı Qarabağ kanalı istismar idarəsi ilə bərabər ətraf bölgələrdə olan rayon idarələrinin də texnikaları və əməkdaşları əraziyə cəlb olunub. İlk növbədə, suyun səviyyəsinin aşağı salınması üçün Mingəçevir su anbarından kanalın suyu azaldılıb. Əraziyə ağır texnikalar cəlb edilib, uçan bəndin bərpasına başlanılıb. Görülən tədbirlər nəticəsində kanaldan suyun axmasının qarşını alınıb.
Bütün xəbərlər Facebook səhifəmizdə
USD
EUR
GBP
RUB