Şimal-qərbdən hərəkət edən soyuq hava kütlələrinin ölkə ərazisinə daxil olması nəticəsində hava şəraiti qeyri-sabit, küləkli, yağıntılı keçib. Bəzi yerlərdə leysan yağıb, dolu düşüb, qərb küləyinin sürəti güclənib.
Ölkə ərazisində müşahidə olunan qeyri-sabit, yağıntılı hava şəraiti iyunun 21-i gündüzədək davam edəcək. Bəzi yerlərdə yağış yağacağı, ayrı-ayrı yerlərdə yağıntıların leysan xarakterli, intensiv və güclü olacağı ehtimal edilir.
SİA AZƏRTAC-a istinadən xəbər verir ki, bunu Hidrometeoroloji Proqnozlar Bürosunun direktoru Gülşad Məmmədova deyib.
G.Məmmədova bildirib ki, Bakıda və Abşeron yarımadasında da iyunun 19-u gündüzədək arabir güclənən şimal-qərb küləyi əsəcək. Axşam və gecə saatlarında bəzi yerlərdə yağış yağacaq.
Bütün xəbərlər Facebook səhifəmizdə
USD
EUR
GBP
RUB