Naftalanda İlaxır çərşənbədə şəhid və qazi ailələrinin iştirakı ilə bayram tədbiri təşkil olunub.
SİA-nın əldə etdiyi məlumata görə, əvvəlcə Ulu Öndər Heydər Əliyevin və torpaqlarımızın azadlığı uğrunda canından keçən Vətən oğullarının əziz xatirəsi yad edilib.
Tədbirdə çıxış edən icra başçısı Vüqar Novruzov qeyd edib ki, xalqımızın zəngin milli dəyərlərini, adət-ənənələrini özündə yaşadan Novruz bayramı milli varlığın rəmzinə çevrilib. Həmçinin bildirilib ki, xalqımız bundan sonra da Prezident İlham Əliyevin rəhbərliyi ilə daha böyük uğurlara və qələbələrə imza atacaq.
Sonra konsert proqramı təqdim olunub. Həmçinin şəhid və qazi övladları ağac əkiblər.
Möhtəşəm Novruz tonqalı, Keçəl və Kosanın şən zarafatları uşaqlarda xoş bayram əhvali-ruhiyyəsi yaradıb.
Bütün xəbərlər Facebook səhifəmizdə
USD
EUR
GBP
RUB