İslamda beş mübarək gecədən biri olan Rəqaib qəndili bu gecə qeyd olunacaq.
SİA-nın türk saytlarından əldə etdiyi məlumata görə, Din İşləri üzrə İdarənin rəhbəri Əli Erbaş Rəqaib gecəsi münasibəti ilə mesaj yayımlayıb.
Əli Ərbaş mesajında qeyd edib ki, mübarək günlər və gecələr insanların varlıq məqsədini dərk etdiyi və insani münasibətlərini tam şəkildə izah edə bildiyi qiymətli vaxtlardır.
"Gəlin bu gecəni gözəl həyatın və şərəfli bir duruşun dönüş nöqtəsinə çevirək.Əbədi dünyada üzümüzü güldürəcək yaxşı əməllərimizi imanla, elmlə, hikmətlə, həqiqətlə artırmağa çalışaq”, -deyə Əli Erbaş qeyd edib.
"Arzu, istək" mənalarına gələn Rəqaib, gələcəyə yönəlik istəklərimizi nəzərdən keçirmək imkanı verən, bütün rəğbətimizi Allaha yönəltməyin lazım olduğunu xatırladan bir gecədir.
Qeyd edək ki, Qəndil gecələri adı ilə tanınan gecələr Rabiul-Əvvəl ayının 12-ci gecəsi Mövlud, Rəcəb ayının ilk cümə gecəsi olan Rəqaib və yenə bu ayın 27-ci gecəsi olan Merac, Şaban ayının 15-ci gecəsi Bəraət və Ramazan ayının 27-ci gecəsi olan Qədr gecələridir. Osmanlı dövləti dövründə, daha dəqiq desək, padşah II Səlimin hakimiyyət illərindən etibarən bu gecələr minarələrdə qəndil yandırılıb elan edildiyinə görə qəndil adlandırılmağa başlanmışdır.
Bütün xəbərlər Facebook səhifəmizdə
USD
EUR
GBP
RUB