Sərnişinlər ictimai nəqliyyatla bağlı çox zaman problemlər yaşayırlar. Hansı ki, son dövrlərdə bu problemlər daha da artıb. Mövzu ilə bağlı SİA-ya açıqlamasında Bakı Nəqliyyat Agentliyi, Sərnişindaşıma fəaliyyətinin tənzimlənməsi şöbəsinin müdiri Vüqar Məmmədzadə problemlər və görüləcək işlər barədə məlumat verib:
Sərnişindaşımada problemlər:
- Şəhərin müxtəlif ərazilərində qeyri-qanuni sərnişindaşımalar müntəzəm daşınmalara mənfi təsir;
-Avtobus zolaqlarına digər nəqliyyat vasitələrinin daxil olması və qanunsuz park etmə hallarının mənfi təsiri;
- Daşıyıcıların istismar xərclərinin artması ilə bağlı problemlərin olması;
-Şəhərətrafı bəzi ərazilərdə yol infrastrukturunun qənaətbəxş səviyyədə olmaması.
Görüləcək işlər:
- İstismar ili köhnə olan avtobusların xətlərdə kənarlaşdırılması və yeni gətirilən avtobusların mərhələli şəkildə marşrut xətləri üzrə istismara verilməsi;
-Avtobus zolaqlarının əhatə dairəsinin genişləndirilməsi;
-Nağdsız ödəniş sisteminin əhatə dairəsinin genişləndirilməsi;
- Sərnişin tələbatı yaranacağı halda qəsəbələr və şəhərətrafı ərazilərə yeni marşrut xətlərinin təşkili və əhalinin ictimai nəqliyyata əlçatanlığın artırılması.
Bütün xəbərlər Facebook səhifəmizdə
USD
EUR
GBP
RUB