Hiçkokun "cani"si 106 yaşında vəfat etdi

Rejissor Alfred Hiçkokun "Diversant" filmində əsas cani rolunu oynamış amerika rejissoru, prodüser və aktyor Norman Lloyd 106 yaşında vəfat edib. SİA-nın xarici mətbuata istinadən verdiyi məlumata görə, bu barədə "Varietiy" nəşri məlumat verib. Nəşrin məlumatına görə, Lloyd Los- Ancelesdəki evində ölüb.

Aktyor 1942-ci ildə Hiçkokun filmində Frayya rolunu oynayaraq şöhrət qazanıb, ona həmçinin Çarli Çaplinin "Rampanın işıqları" bədii filmində də rol verilib. Amma əsas şöhrəti o, 60 yaşından sonra qazanıb. Norman Lloyd 1980-ci illlərdə NBC telekanalında "Sent- Leaver" tibb dramında müdrik həkim rolunu oynayıb. Onun karyerası 80 ildən çox davam edib.
Xatırladaq ki, Norman Lloyd dünyanın ən qoca aktyoru hesab olunurdu.

Gülər Səfərova

Bütün xəbərlər Facebook səhifəmizdə