Elza Seyidcahan əsəbiləşdi: "Onlar sənətə ləkədir"

Əməkdar artist Elza Seyidcahan verilişlərin birində qonaq olub. SİA-nın məlumatına görə, o, efirlərdə insanlara məsləhət verən sənət adamlarını tənqid edib: "Bəzi insanları tanıdıqca öz yerimi bilirəm. Bəzən yerimdən çıxıb başqalarının yerinə özümü qoyuram. Bu da mənim saflığımdandır. Amma etməməliyəm.

Səhnədə hər insanın öz yeri var. İstedadlı gələndə, səhnə onu tozsoran kimi çəkir. Son zamanlar əsəb keçirirəm. Çıxıb efirdə elələri insanlara nəsihət verirlər ki... Onlar sənətə ləkədir. Bu aləmə qalmaqal gətirirlər. Başlarından yekə nəsihətlər verirlər: mən belə xanımam, elə bəyəm. Özlərini insana örnək göstərirlər. Biri evindən gəlinliklə çıxır, ailə həyatı alınmır və ayrılır. Bu, eyib deyil. Bunlar isə gəlin havası olmadan, necə gəldi kiməsə qoşulub gedirlər. Gedib qeyri-qanuni yolla uşaq dünyaya gətirirlər, sonra çıxıb efirdə insanlara nəsihət verirlər. Siz kimsiniz? Niyə əsəblərimizi oynadırsınız? Bizim ənənəmizə onlar ləkədirlər".

Bütün xəbərlər Facebook səhifəmizdə