"Konsertdən qazandığım 11 min dolları iki qazimizin əməliyyatına bağışladım"

Müğənni Şəbnəm Tovuzlu Rusiyada konsert verdiyi üçün ünvanına deyilən tənqidlərə münasibət bildirib. SİA-nın məlumatına görə, bir aydır Rusiyada olan sənətçi orada toy məclislərinə də qatılıb. Onun "İnstagram"da paylaşımlarına isə istifadəçilər mənfi şərhlər yazıblar.

Şəbnəm bildirib ki, konsertdən qazandığı pulu xeyriyyə işlərinə ayırıb: "Mənə qarşı haqsız tənqidlər yazılır. Rusiyaya gəlməyim, konsert verməyim o qədər müzakirə olundu ki... Mən etdiyim xeyriyyə işlərini açıb danışmıram. Amma bu qədər təhqirə layiq deyiləm. Konsertdən qazandığım puldan 11 min dollar iki qazimizin əməliyyatına ayrılıb. Hazırda Bakıda deyiləm, amma qayıdanda həmin qaziləri ziyarət edib, video paylaşacam. Onların müalicəsi üçün nə lazımdırsa, öz boynuma götürmüşəm".

Bütün xəbərlər Facebook səhifəmizdə

loading...