Nura Suri: "Xərclərinizi azaldın, qənaət etməyi öyrənin"

Müğənni Nura Suri xalqa səslənib. SİA-nın məlumatına görə, ifaçı insanları qənaət etməyə məsləhət görüb: "İdmançıların, sənət adamlarının karyerası məhvə gedir.

Bir çox sahələr işsiz qalıb. Evini, avtomobilini satan insanlar ümidlə yaşayırlar ki, tez bir vaxtda düzələr. İşləyib qazanacaqlarına əvvəlki həyata dönə biləcəklərinə ümid edirlər.

Halbuki əvvəlki həyatlarını daha da komfortlu, yaxşıya dəyişəcəklərini planlayırdılar. Pozitivə yüklənib, ümid etmək insanı xəyal qırıqlığına, məhvə apara bilər. Boş xəyallar qurmaq vaxtı deyil. Çətindir, bilirəm. Amma reallığı dərk etmək lazımdır.

Xərclərinizi azaldın. Yalnız vacib lazım olan məhsulları və əşyaları alın. Qənaət etməyi öyrənin. Orqanik məhsullara üstünlük verin. Bitkilər haqqında yetərincə məlumat var. Bitkilərdən daha çox istifadə edin, nəinki dərmanlardan. Bütün canlılar özlərini bitkilərlə müalicə edə bilir. Əzəldən insanlar da bacarırdı.

Kəndlərdən, bölgələrdən qida məhsullarını alın (onların da qazancı olsun). Qiymətləri endirin. Başqa çarəmiz yoxdur.

Həyatımızı əvvəlki kimi etməyə yox, bu vəziyyətdən çıxış yolu tapmağa çalışmalıyıq.

Mən demək olar ki, salona getmirəm (hər gün gedirdim). Manikür və pedikür etdirirəm ayda 1-2 dəfə - lak da sürtmürəm. Dırnaqlarım kimyəvi, zərərli maddələrdən dincəlsin.

Saçlarım sarışın daha gözəl idi. Amma saçlarımı zədələnmədən qorumaq üçün rəngini dəyişdim, kəsdim ki, daha canlı olsun. Özümü daha çox sevməyə başladım.

Başqaları məni daha gözəl görəcək deyə öz bədənimə zərər vermək istəmirəm. Saçlarımı, dırnaqlarımı qorumaq istəyirəm.

Hündürdaban ayaqqabılardan bezmişdim. Neçə vaxtdır geyinmirəm, necə də rahatam bir bilsəniz.

Kitab oxuyun, beyninizi qidasız qoymayın. “Kim nə deyər”ləri düşünməyin artıq. Rahat olun".

Bütün xəbərlər Facebook səhifəmizdə

loading...