Mələkxanım Əyyubova heç kimin bilmədiyi sirrinin üstünü açdı VİDEO

Xalq artisti Mələkxanım Əyyubova yaradıcılığında bir dəfə "Leyli" obrazını oynamasının səbəbini açıqlayıb. SİA-nın məlumatına görə, o, bu haqda verilişlərin birində danışıb: "Leyli və Məcnun" tamaşasında cəmi bir dəfə Alim Qasımovla oynadım. Oturmağa yer yox idi, çox insan küçədə qalmışdı. Sənətimi opera ilə bağlamaq istəmədim. Çox janrda ifa edən biriyəm.

1995-ci ildə Məhəmməd Füzulinin 500 illik yubileyi idi. Dörd avtobus adam Kərbəlaya getdik. Orada ifaçılardan mən və Mənsum İbrahimov idi.

Dedilər ki, orada "Leyli və Məcnun"dan bir parça oynanılmalıdır. Mən də uşaqlıqdan operaları əzbər bilirəm. Dedim ki, baş üstə. Mənsumla məşq etdik. Bir ifaçımız orada dava saldı. Bir də gördük qırğındır. Dedi ki, o, operada oynamayıb. Mən dura-dura niyə o, olmalıdır.

O zaman qarşıma məqsəd qoydum. Dedim ki, eybi yox, bircə dəfə olsa da, onu oynayacam. Bakıya qayıdanda, getdim operaya və təklif etdim. Dedilər ki, kimlə istəyirsən? Alim Qasımov dedim. Onu təzədən dəvət etdilər, bir il məşq etdik. Dedim, söz vermişəm, ilk və son olacaq. Oxudum və qaldı".

Bütün xəbərlər Facebook səhifəmizdə