Xalq artisti Brilliant Dadaşova verilişlərin birində qonaq olub. SİA-nın məlumatına görə, ifaçı Əməkdar artist Abbas Bağırovla küsülü olmalarının səbəbini açıqlayıb: "Musiqiçi Rafiq Babayev metro partlayanda dünyasını dəyişdi. Ondan sonra tək qaldım. Bir toyda Ənvər Sadıqovu gördüm, qarmon çalmağından xoşum gəldi və işə dəvət etdim. Birlikdə 10 il işlədik. Ənvəri öyrədib, hər işi göstərdim. Aftandil İsrafilovdan sonra qarmon sahəsində məşhur olmaq çətin idi. Sonra Abbasın yanında gördüm ki, Ənvər solistdir. Ona dedim ki, mənim üçün nigaran qalma, Abbas daha əlverişlidir. Onun yanında solistsən, mənim yanımda yox. Toydan gələn qonorarı yarı böləcək, çünki sənin adınla gedəcək. Mənə isə Ənvərin adı lazım deyil, özüm varam.
Ənvər mənim toy aparmağımı ən xırda amillərinə qədər Abbasa öyrətdi. Sonra Abbas çıxdı dedi ki, Brillintdan heç nə öyrənməmişəm. Bir dəfə toya getdik, Abbas da orda idi. Abbas el şənliyində mənim bir çox mahnılarımı oxudu. Fikirləşirəm ki, bəs mən nə ifa edəcəm? Amma yenə də nəsə demədim.
Bir gün "Aləm gözəl" mahnısını oxudum, çıxdı haqqımda nələr danışdı. Ay Abbas, toylarda mənim mahnılarımı oxumasaydın səni Bakı camaatı dəvət etməzdi. Eybi yox, sonra Abbası bağışladım".
Bütün xəbərlər Facebook səhifəmizdə
USD
EUR
GBP
RUB