Bir neçə ay bundan öncə üz-üzə gələn Xalq artistləri Röya Ayxan və Brilliant Dadaşova bir araya gəlib. SİA-nın məlumatına görə, onlar toy məclislərinin biri üçün Moskvaya yollanıblar və orada görüşüblər.
Sənətçilərin şəkillərini müğənni-bəstəkar Hacı Nazim sosial şəbəkədə yayımlayıb.
Qeyd edək ki, İTV-də yayımlanan “3D” verilişində Röyaya “Brilliant Dadaşova erməni ifaçıya “super” şərhini yazmışdı. Siz bunu edərsiniz” deyə, sual ünvanlanıb. Röya isə Dadaş Dadaşlinskiyə bu cavabı vermişdi: “Onda niyə şərhi sonra pozdu? Deməli, öz etdiyinə inanmaq istəmədi. Nə qədər desək də, musiqinin milliyəti yoxdur... Danışmadığım müğənninin mahnısını zümzümə edərəm. Amma millətimi incidənə “super” yazmaram. Çünki mən qarabağlıyam, nəslim yurdundan ayrı düşüb, hamısının əziyyətini çəkirəm. Hələ bu qədər əziyyət qabağında “super” yazacam? Heç vaxt, istəyir mahnımı gözəl oxusun. Ümumiyyətlə, niyə mənim mahnımı oxumalıdır ki? Brilliant xanımla bu barədə razı deyiləm, bundan sonra da olmaram. Fikrini deyib, sonra, pozub”.
B.Dadaşova isə Röyanı "İnstagram"da izləmədən çıxararaq bu sözləri demişdi: “Səhnəyə çıxdığım gündən indiyənə kimi təriflədiyim hər kəs fürsət tapdıqca kölgəmi qılıncladı. Mən də hər zaman musiqilərimə, sənətimə və sizlərə güvənərək təsəlli tapdım. Şükür olsun, arzularımın adamı həyatımdadır”.
Bütün xəbərlər Facebook səhifəmizdə
USD
EUR
GBP
RUB