Xalq artistləri Röya Ayxan və Miri Yusif növbəti duet layihələrini təqdim ediblər. SİA-nın məlumatına görə, hər iki məşhur bu dəfə “Sevgilim” adlı mahnını ifa edib. Sözügedən bəstənin müəllifi Jay Hun, aranjemanı isə Xalis Xana məxsusdur.
Röya və Miri Yusif “Sevgilim”ə klip də çəkdiriblər. Onlar bunun üçün rejissor Fərhad Əliyə müraciət ediblər. Ekran işi Qəbələnin Laza kəndində bir günə lentə alınıb. Layihənin baş prodüserləri Vüsal Rzazadə və Emin Əfəndi, icraçı prodüseri Cavid Əhmədovdur.
Klip bu gün Röyanın rəsmi “Youtube” kanalına yerləşdirilib.
Bütün xəbərlər Facebook səhifəmizdə