Bakı Şəhər Mədəniyyət Baş İdarəsinin təşkilatçılığı ilə R.Behbudov adına Dövlət Mahnı Teatrında Beynəlxalq Əlillər gününə həsr olunmuş tədbir keçirilib. SİA-nın məlumatına görə, tədbirin aparıcısı Lalə Əlimuxtarova 3 dekabr -Beynəlxalq Əlillər gününün tarixindən danışaraq bildirib ki, əlil vətəndaşlara və xüsusilə də əlil uşaqlara diqqət və qayğı göstərmək cəmiyyətimizin hər bir üzvünün borcudur. Bununla əlaqədar müxtəlif tədbirlərin həyata keçirilməsi dövlət tərəfindən hər zaman diqqət mərkəzində saxlanılır.
Daha sonra Əməkdar artistlər Elza Seyidcahan və Səbinə İlyasova, müğənnilər Aynur Dadaşova, Dana Durdana, Roza Zərgərli, Tuncay, Orxan Əlizadə, meyxanaçı Tərlan Novxanı, rəqqasə Fatimə Fətəliyeva onlara xoş anlar yaşadıblar.
Bütün xəbərlər Facebook səhifəmizdə
USD
EUR
GBP
RUB