Əməkdar artist Lalə Məmmədovanın həyat yoldaşı İlham Qafarov verilişlərin birinə müraciət edib. SİA-nın məlumatına görə, o, Lalə ilə evlilikləri barədə açıqlamalar verib: “Aramızdakı problem 2012-ci ildə başlayıb. İcazəsiz qızımı da götürüb rəfiqəsinin evinə getdi. O, ərə gələndə valideynlərim sağ idi. Atamla-anam kirayə yaşayırdı, biz isə qonşuluqda yaşayırdıq. Atam rəhmətə gedəndən sonra anam yanımıza köçdü. Problemlər də bundan sonra başladı. Lalə əsəbi olmağa başladı. Evin yeganə oğluyam, ailə quranda işləyirdim. O, bizim evə gələndə iki çamadanla gəlmişdi. Burada yaşayandan sonra məşhurlaşdı.
Mənə şər atdılar ki, işləməmişəm, onun hesabına yaşamışam. Bu, absurd fikirdir. Ya bu şayiəni özü, ya da camaat yayıb. Biz ayrılandan sonra bu dedi-qodular gündəmi zəbt etdi. İllər əvvəl məclislərin birində çəkilən fotoya görə aramızda soyuqluq yarandı. Beş dəfə onu qaytarmaq istədim, məni qovdu. 2013-cü ildə onu evə qaytardım. Özünü əsəbi aparırdı. Gördüm ki, dəyişib. Lalə dedi ki, ev almışıq 43 min çatmır. Mənə dedilər ki, sən verməlisən. Mən də ailəmin dağılmaması üçün maşını satıb, o pulu ödədim. Orada sənədlər də var. Anası və Lalə iddia edir ki, həmin pulu ödəməmişəm. İkinci uşağa hamilə idi. İki ay sonra dava etdi, çıxdı getdi. Anama ağır söz dedi, mən də qərara gəldim ki, Lalə ilə yaşamayacam. Anamı təhqir etdiyinə görə, ikinci uşağımla maraqlanmadım. Doğum evinə getmədim. Mənə həmişə deyirdi ki, qocasan. Əgər qocayamsa, niyə ərə gəlmişdin? Əgər pis idimsə, səkkiz il sonra niyə məndən uşaq dünyaya gətirirdin?
Qızım mənə səs atıb, təhqir edir. Belə tərbiyə alıb. Lalə bir dəfə üç min aliment yığışıb, onu alıb. İkinci dəfə evlənmişəm deyə, yenə aliment məsələsini qaldırıb.
Lalə mənim evimdən çıxsın, aliment borcumu hissə-hissə ödəyirəm. Məni həbs etdirmək istəyir. Səhər qızlarına elçi gələndə səni alqışlamayacaqlar. Qoy, yaşayaq da!
Mənə qarşı qara piar aparmayın, alınmayacaq. Mən o təqdim edilən insan deyiləm. Düzgünlüyün tərəfdarıyam, alimenti də, borcu da ödəyəcəm”.
Lalə Məmmədova isə verilişə açıqlamasında qızlarına görə susduğunu söyləyib: “O, uşaqlarımın atasıdır. Onun haqda pis danışmaq mənə yaraşmaz. Bilmədiyini çox şeylər var”.
Bütün xəbərlər Facebook səhifəmizdə
USD
EUR
GBP
RUB