Anar Nağılbazın dəfnindən FOTOLAR

6 Avqust 2018 09:12 | 4 516

Azərbaycan repinin banisi Anar Nağılbaz vəfat edib. SİA-nın məlumatına görə, ailə üzvləri bildiriblər ki, reperin ölümünə səbəb uzun müddətdir çəkdiyi stresdir. Anar Nağılbazın atası, keçmiş millət vəkili Rizvan Cəbiyev bildirib ki, Anar Nağılbaz evdə, valideynlərinin yanında dünyasını dəyişib. Rizvan Cəbiyev deyib ki, Anar Nağılbaz bir müddət əvvəl müalicə alıb: “Qara ciyəri iflas etmişdi”.

A.Nağılbaz Masazır kənd qəbiristanlığında torpağa tapşırılıb.

Anar Nağılbaz 1974-cü il mart ayının 28-də Füzuli şəhəri, Horadiz qəsəbəsində dünyaya gəlib. 1988-ci ildən repə maraq göstərməyə başlayıb. 1990-cı ildə ilk dəfə Horadizdə "Beynəlxalq gənc mətbuatçılar festivalı"nda "Bivəfa" repini ifa edib. 1991-ci ildə "Aysel" miniatür teatr studiyasını yaradıb. 1992-ci ildə "Canlı klip şou" rep bəstəsini geniş ictimaiyyətə təqdim edib. 1993-cü ildə "Narkodünya" mahnısı ilə şöhrət qazanıb. 1990-1992-ci illərdə "Kirpi" jurnalının, 1993-1995-ci illərdə "Naxçıvan" qəzetinin müxbiri olub. Böyük səhnəyə 1993-cü il fevralın 28-də "Canlı klip" teatrının müşayiəti ilə Azərbaycan Dövlət Sirkində çıxıb. 1996-cı ildə ilk albomu işıq üzü görüb.

iframe width="560" height="315" src="https://www.youtube.com/embed/OJKnQ3R00Xs" frameborder="0" allow="autoplay; encrypted-media" allowfullscreen>