Bu gün "Eurovision" mahnı müsabiqəsinin ikinci yarımfinalı baş tutacaq. SİA-nın məlumatına görə, Kiyevdə Beynəlxalq Sərgi Mərkəzində baş tutacaq gecədə 18 ölkənin nümayəndəsi çıxış edəcək. Onlardan yalnız 10-u finala vəsiqə qazanacaq.
İkinci yarımfinalda 2004-cü ildə Ukraynaya birincilik gətirən Ruslana da səhnəyə çıxacaq.
Bu gecə səhnəyə çıxacaq ölkələr bunlardır: Avstriya, Serbiya, Makedoniya, Malta, Ruminıya, Niderland, Macarıstan, Danirmarka, İrlandiya, San – Marino, Xorvatiya, Norveç, İsveçrə, Belarus, Bolqarıstan, Litva, Estonya, İsrai.
Müsabiqə 22:05-də İTV-də canlı yayımlanacaq.
Qeyd edək ki, Azərbaycan təmsilçisi Diana Hacıyeva birinci yarımfinalda səkkizinci olaraq səhnəyə çıxmışdı. "Skeletons" mahnısını səsləndirən Diana finala vəsiqə qazananlar sırasında olub.
"Eurovision 2017"nin finalı mayın 13-də baş tutacaq.
Bütün xəbərlər Facebook səhifəmizdə
USD
EUR
GBP
RUB