Aktrisa Nurgül Yeşilçay və aktyor Erkan Petekkaya arasında məhkəmə prosesi baş tutub. SİA-nın Türkiyə mətbuatına istinadən məlumatına görə, aktyor məhkəmədə Nurgülün "Paramparça" serialının çəkilişi zamanı hər kəsin qarşısında onu söydüyünü iddia edib. Bu şikayət səbəbi ilə aktrisanın 2 ilə qədər həbsi tələb edilib.
Petekkaya ifadə verərkən əsəbiləşib və təzyiqinin qalxdığını deyərək oturmaq istəyib:"Öpüşmə səhnəsi ilə bağlı mübahisə etməmişik. Mən onun iddia etdiyi kimi "Sən öpüşmələrə öyrəşmisən" cümləsini işlətməmişəm. Öpüşmə səhnəsi daha əvvəl çəkilmişdi. Ondan sonra istirahətə getdik, 19:00-da yenidən bir araya gəldik. Ssenariyə görə, Nurgüldən "Gülseren, hansı mahnını sevirsən" soruşdum. O isə məni söydü və çəkiliş meydançasını tərk etdi. Çəkilişi də bitirə bilmədik".
N.Yeşilçay məhkəməyə gəlmədiyi üçün növbəti prosesdə onun məcburi şəkildə zala gətirilməsi ilə bağlı qərar verilib.
Bütün xəbərlər Facebook səhifəmizdə
USD
EUR
GBP
RUB