Bəzi mətbu orqanların yaydığı məlumata görə, bir müddət öncə məşhur xanım müğənnilərdən biri qadın alveri ittihamı ilə MTN-ə aparılıb. Araşdırmalardan sonra məlum olub ki, həmin şəxs müğənni Şəbnəm Tovuzludur.
Məsələ ilə əlaqədar olaraq Şəbnəm Tovuzlunun özü ilə əlaqə saxladıq. SİA-ya açıqlama verən ifaçı bunları dedi: "Haqqımda deyilənlərin heç bir əsası yoxdur. Bəzi adamlar sadəcə, boş-boş danışırlar. Zamanında birgə yaşadığım insanla aramızda problemimiz olub və bitib. Həmin ərəfədə də o kəslərin cavabları verildi, kənara çəkildilər. Hazırda bu cür məlumat yenə hansısa müğənninin sifarişi ilə yenidən gündəmə gətirilir. Amma hər şey yaxşıdır. Evimdəyəm, ailəmin yanındayam".
Müğənni barəsində şər-böhtan yayanlara bəd dua etməyi də unutmadı: "Müqəddəs Ramazan ayında mənə bu cür şər atanları yalnız Allaha tapşırıram".
Qeyd edək ki, ötən il müğənninin nazirliyə çağırılması ilə bağlı mətbuatda xəbərlər yayılmışdı.
Bütün xəbərlər Facebook səhifəmizdə
USD
EUR
GBP
RUB