Azərbaycanda yaşayan Türkiyəli opera sənətçisi Oya Ergün yeni albom çıxarır. İfaçının SİA-nın verdiyi məlumata görə, yeni albomunda Baroko dövrünün musiqiləri yer alacaq: "Bu il ərzində ansanblımla bir çox barok konsertləri verdik və ünvanımıza o qədər gözəl təriflər aldıq ki, bunu alboma çevirmək qərarını verdik. Yəni, yeni albomumda bütünüklə barok çağından əsərlər söylədim. Albomda barok dövrünün bütün bəstəkarlarının əsərləri yer alıb. Bu əsərlər içində klassik musiqi həvəskarlarına ən çox tanış olan Caccini, Handel, Gluckun adını çəkə bilərəm".
Albomun daha bir òzəlliyi işə bundadır ki, Oya xanım barok çağının fleytası ilə həmin dövrün musiqilərindən birini ifa edib.
İfaçı alboma "Baroque Lace" (Barok Dantel) adını verib. Sözügeden albom üzərində azərbaycanlı musiqiçilərdən ibarət ansambl çalışıb.
Oya Ergün albom hazır olduqdan sonra Azərbaycanda və Avropada bir çox konsertlər verməyi planlaşdırır.
Bütün xəbərlər Facebook səhifəmizdə
USD
EUR
GBP
RUB