Prodüser Tarix Əliyev (Tolik) "O səs Türkiyə"yə qatılan həmyerlilərimizə münasibət bildirib. SİA-nın verdiyi xəbərə görə, Tolik orada türk dilində mahnılar oxuyanları qınayıb. O, eyni zamanda əməkdar artist Aybəniz Haşımovanın qızı Aynişan Quliyevanı oradakı çıxışına görə təbrik edib:
"Azərbaycan musiqisi çox zəngindir. Onu gözəl ifa edib, tamaşaçıya çatdırsan, hər kəs anlayar və duyar. Buradan "O səs Türkiyə"yə gedən azərbaycanlılar anlamır ki, siz türk dilində oxumaqla özünüzü onlara şirin satmaq istəyirsiniz. Amma onlara şirinlik yox, səs və sənət lazımdır. Sağ ol Aynişan, balaca ürəyinlə yenə də sübut etdin ki, məktəb başqa şeydir. Aybəniz Haşımovanı da təbrik edirəm. Daim qürur hissi ilə övladınıza baxasınız. Çalışın, azərbaycanlı olduğunuzu hər yerdə yüksək səviyyədə göstərəsiniz. Türkiyə də qardaş ölkədir, orada bəzi şirinlik edib, türk mahnısı ilə münsif qarşısına çıxanlar, sizlərdən orada çoxdur".
Bütün xəbərlər Facebook səhifəmizdə
USD
EUR
GBP
RUB