Türkiyənin "TV8" telekanalında yayımlanan "Rising star" musiqi yarışmasına qatılan azərbaycanlı müğənni Rəşad Altınsəs ifası ilə hər kəsi təəccübləndirib. SİA-nın məlumatına görə, İbrahim Tatlısəsin pərəstişkarı olan Rəşad onun "Ben insan deyilmiyim" mahnısını oxuyub.
Hər kəsi heyran edən Rəşad üçün canlı yayıma Mayamidə olan Tatlısəs də qoşulub. O, münsif kürsüsündə əyləşən Demet Akalına zəng vuraraq, Rəşadla bağlı fikirlərini bölüşüb: "Çox gözəl oxudu. Uğurlar arzulayıram".
Fuat Güner Azərbaycanla bağlı bunları deyib: "Azərbaycan musiqiyə dəyər verən ölkədir. Firuz İsmayılov dostumdur. Mənə demişdi ki, orada insanların yarıdan çoxunun evində piano var. Belə ölkədən istedadlı səslər çıxar". Gülbən Ərgən isə veriliş apardığı dövrlərdə xəstə övladı olan ailələrə Azərbaycandan çox yardım aldığını deyib.
Qeyd edək ki, yarışmanın münsifləri müğənni Mustafa Sandal, Gülbən Ərgən, Fuat Güner və Demet Akalındır.
Bütün xəbərlər Facebook səhifəmizdə
USD
EUR
GBP
RUB