İki məşhur ilk dəfə bir araya gəldilər FOTOLAR

17 Noyabr 2014 11:44 | 895

Türkiyəli aktyorlar Ərkan Pətəkkaya və Nurgül Yeşilçay yeni çəkilən "Paramparça" serialı üçün bir araya gəliblər. SİA-nın verdiyi xəbərə görə, Nurgül tərəf müqabili haqqında maraqlı fikirlər səsləndirib: "Ərkanla eyni məktəbin məzunuyuq. Amma heç vaxt tanış olmamışdıq. Yaxşı insandır. Çəkiliş meydançasında onunla çox rahat oluram. Serial üçün 9 kiloqram arıqladım. Dietoloqun məsləhəti ilə fərqli qidalar yeyirəm, çoxlu gəzirəm".

Aktrisa sevgidən də bəhs edib: "Mən uzun müddət davam edən sevgilərə üstünlük verirəm. İmkansız eşqlərin arxasınca qaçacaq vaxtım yoxdur. Bir münasibətdə edilən heç bir şey fədakarlıq deyil. Eşq iki insanın bir-birinə xoşbəxtlik verməsidir".

Ərkan Pətəkkaya isə 11 illik evliliyindən danışıb: "Evləndiyim insana qarşı eşqdən də yüksək hisslər bəsləmişəm. İndi sevgi, bağlılıq, hörmət yaşayırıq. 11 illik ailə həyatımızda hər gün bir az bağlandıq".