Bu gün xalq artisti Flora Kərimovanın ad günüdür. Bu haqda SİA-ya sənətkarın özü məlumat verib: "Doğum günümlə əlaqədar olaraq İngiltərədən qızım gəlib. Çox məmnunam. Ancaq bu gün Ağdamın işğaldan 21 il ötdüyü üçün 73 yaşımı qeyd etməyəcəm. İki gündür ki, telefonlarım susmur. Mənə yaxın olan hər kəs ad günümü təbrik edir".
Nəzərinizə çatdıraq ki, müğənni 1941-ci ildə Bakıda anadan olub. Asəf Zeynallı adına Bakı Musiqi Texnikumunu (1964), Azərbaycan Dövlət Tibb İnstitutunu (1971) və Azərbaycan Dövlət Konservatoriyasını (1977) bitirib. 14 yaşından bədii özfəaliyyət kollektivlərində, Azərbaycan Dövlət Tibb İnstitutunun "Çinar" ansamblında, 1960-cı illərdə Azərbaycan Dövlət Filarmoniyasında çıxış edib. 1983-cü ildən Azərbaycan Teleradio Verilişləri Şirkətinin solistidir. Klassik Avropa operası ( nümunə üçün "Qaynana" filmində "Dilbərin" ariyası , " Sular qızı" romansı ), milli opera janrı ( doqquz dəfə Üzeyir Hacıbəyovun " Leyli və Məcnun " operasında Leyli ), xalq mahnıları, bəstəkar mahnılarının, klassik art-estrada ( Sovet Estradası ) janrlarının ustad ifaçısıdır. Azərbaycan klassik art-estrada janrının banisidir. Bəstəkar Elza İbrahimova, məxsusi olaraq Flora Kərimovanın səsi üçün "Afət" operasını bəstələyib. Dövlət Opera və Balet Teatrında "Leyli və Məcnun" operasında Leyli kimi çıxış edib. "Qanun naminə" (1968) bədii filmində çəkilib. Əsrarəngiz səsi, bəşər tarixində yeganə dörd (4-cü) oktavanı aşan müğənnilərdəndir.
Qeyd edək ki, Flora Kərimovanın bir qızı və bir oğlu var.
Ad gününüz mübarək!
.jpg)
Bütün xəbərlər Facebook səhifəmizdə
USD
EUR
GBP
RUB