Türkiyəli aktyor Ufuk Özkanın müsahibəsini SİA oxucularına təqdim edirik:
- Azərbaycan haqqında təəssüratlarınız? Ölkəmizi bəyəndinizmi?
- Əlbəttə ölkəniz çox gözəldir. Burada olmaqdan çox məmnunam. Bir dildə danışırıq. Özümü ölkəmdəki kimi hiss edirəm.
- Azərbaycanda qəriblik hissi keçirdiniz?
- Qonaq olduğumuzu hiss etmədik. Bir- birimizi çox gözəl başa düşürük. "Bir millət, iki dövətik". Burada olmaqdan qürur hissi duyuram.
- Azərbaycana ilk səfərinizdir?
- Bəli, ilk dəfədir ki, Bakıda oluram. Ancaq sentyabr ayında işlərimlə bağlı yenidən təşrif buyuracam. Sonra yenidən Türkiyəyə qayıdacam.
- Yaradıcılıq baxımından nə kimi yenilikləriniz var?
- Gərgin iş rejimində çalışıram. Demək olar ki, həftənin 7 günü işləyirəm. Buna görə də hərəkətli həyat tərzim var.
- Azərbaycanlı aktyorlardan kimləri tanıyırsınız?
- Bir o qədər də tanışlığım yoxdur. Yalnız əməkdar artist Sənubər xanımı tanıyıram.
- Bizim seriallara baxırsınızmı?
- Xeyir, baxmıram. Öz çəkildiyim serialları da izləyə bilmirəm. Çünki buna zamanım yoxdur.
- Azəri sənətçilərindən kimləri tanıyırsınız?
- Röyanı tanıyıram. Ancaq mahnlarından heç birinin adını çəkə bilməyəcəm. Təəssüflər olsun ki, başqa ifaçılarınızı tanımıram.
- Türkiyədə yaşayan Azəri qızı Günellə əlaqələriniz varmı?
- Əlbəttə o, artıq illərdir Türkiyədə fəaliyyət göstərir. Demək olar ki, Türkiyədə böyüyüb və biz onu çox bəyənirik.
- Türkiyədə hansı aktyorları bəyənirsiniz və istətərdiniz ki, sizinlə eyni səhnəni kimlər bölüşsünlər?
- Bütün bəyəndiyim aktyorlarla artıq işləmişəm və hələ də onlarla birgə fəaliyyət göstərirəm. Ancaq adlarını deməyəcəyəm. Çünki birinin adını qeyd edib, digərini unutmaq haqsızlıq olar.
- Şəxsi həyatınızda necə xarakterə malik birisiniz?
- Bir o qədər də zarafatçıl deyiləm. Sakit biri olsam da həyatdan zövq almağı bacarıram.
- Ufuk bəy ailəlisiniz?
- Bəli, artıq 8 ildir ki, ailə həyatı qurmuşam. Allaha şükürlər olsun ki, hər şey qaydasındadır.
- Övladınız varmı?
- 5 yaşında oğlum var. Adı Erendir.
Bütün xəbərlər Facebook səhifəmizdə
USD
EUR
GBP
RUB