Bakıda səfərdə olan Türk kinosunun canlı əfsanəsi Türkan Şoray jurnalistlər görüşünü təxirə salıb. Buna səbəb isə aktrisanın səhhətində yaranan problem olub. Gənclər və İdman Nazirliyinin mətbuat xidmətindən SİA-ya verilən məlumata görə, özünü yaxşı hiss etməyən Türkan xanım jurnalistlərin qarşısına çıxa bilməyəcək.
27 noyabrda saat 12.00-da "Mariot Abşeron" mehmanxanasında keçirilməsi nəzərdə tutulan mətbuat konfransına bütün media nümayəndələri dəvətli idi.
Qeyd edək ki, Türkan Şorayın şəhərimizə səfərinin məqsədi noyabrın 26-dan 30-dək Bakıda keçirilən istedadlı və yaradıcı gənclərin II Respublika Toplantısında iştirak etməkdir. O, gənclərə "master-klass" keçir.
Bütün xəbərlər Facebook səhifəmizdə
USD
EUR
GBP
RUB