Azərbaycanlı müğənni Seyran Tbilisidə keçirilmiş Fashion TV qalasına qatılıb. Sözügedən tədbirdə Fashion TV və "Maximum Concerts Company"nin təşkil etdiyi "I Love You Fashion TV" adlı çəkilişlərində həmyerlimiz konsert proqramı ilə də çıxış edib.
Ayrı-ayrı ölkələrin
tanınmış modelyer və modelləri, televiziya nümayəndələri, sənət
adamlarının qonaq olduğu gecədə Seyranın sərgilədiyi performans böyük maraqla
qarşılanıb. SİA-ya açıqlamasında Seyran səfər təəssüratlarını belə bölüşüb:
"Hər dəfə xarici
ölkələrdə çıxışlarım olanda bu işə çox məsuliyyətlə yanaşıram. Nəyi necə
oxumağımı, hansı sözləri deyəcəyimi dəfələrlə ölçüb-biçib səhnəyə çıxıram. Tbilisi
tamaşaçılarına gəldikdə isə Gürcüstan mənə çox doğmalaşıb. Qonşu dövlətdə
iki il ardıcıl olaraq bir vaxtlar solisti olduğum "Next" qrupunun üzvləri ilə
birlikdə konsertlərimiz təşkil olunub. Sevindirici hal odur ki, solo karyeraya başladığım qısa zaman ərzində təkbaşına auditoriyanı ələ alıb fərqli performans göstərməyə müvəffəq oldum. Bütün uğurlarıma görə başda
prodüserim Hüseyn Cavadzadə olmaqla bütün komandamıza təşəkkürümü bildirirəm".
Bütün xəbərlər Facebook səhifəmizdə
USD
EUR
GBP
RUB