"N-Brothers" qrupu adını dəyişərək "N-Qardaşları" adlandırıldı. Qrupun rəhbəri Namiq Qafarov SİA-ya açıqlamasında bildirib ki, qrupun ifa janrı dəyişdiyi üçün adını dəyişmək zərurəti yaranıb: "Mənim əvvəlki "N-Brothers" qrupum pop janrında oxuyurdu. Həmin qrupa ingilis dilində ad verməyim xarici ölkələrin də marağını cəlb etmək üçün idi. Çünki ifa etdikləri mahnılar da daha çox xarici stildə idi. Kənardan baxanda heç kim onların Azərbaycanın qrupu olduğuna inanmırdı. Amma sonradan qrup daha çox xalq mahnılarını ifa etməyə üstünlük verdiyi üçün mən fikirləşdim ki, qrup "N-Qardaşları" adlanarsa, daha məqsədə uyğun olar".
Namiq Qafarov bundan sonra hər kəsi qrupu yeni adı ilə çağırmasını xahiş edib: "Yəqin ki, artıq hər kəs qrupumuzu yeni adı ilə çağıracaq. Amma gələcəkdə 4 nəfər oğlandan ibarət yeni qrup yaratmaq fikrim var. Həmin qrup öz geyimləri, rəqsləri ilə tam olaraq pop stilinə uyğun olacaq. Qrup "N-Brothers" adlanacaq. Amma burada N - new (yeni) mənasında işlənəcək".
Bütün xəbərlər Facebook səhifəmizdə
USD
EUR
GBP
RUB