Tanınmış müğənni Xəyyam Nisanov yeni klip çəkdirib. Müğənninin SİA-ya verdiyi məlumata görə, o, Murad Arifin bəstəsi olan "Bakı- Moskva" mahnısını lentə aldırıb.
Klipdə Rusiyanın tanınmış xanım teleaparıcısı Rossi Dilya çəkilib. Xəyyamla çəkilməyə razı olan Dilya ulduzluq statusuna sahib olmasına baxmayaraq kaprizlər etməyib.
6 günə çəkilən klipin 4 günü Moskvada, 2 günü Bakıda lentə alınıb: "Fikrimcə, bu, mənim ən yaxşı klipim olacaq. Klipə xərclənən məbləği açıqlamayacağam. Amma kifayət qədər bahalıdır. Yeni işimin rejissoru Anar Abbasovdur. O da Rusiyanın ən tanınmış rejissorlarının siyahısına düşüb".
Qeyd edək ki, klipin paytaxtımızda təqdimatı zamanı Xəyyamla birgə çəkilən Dilya da təşrif buyuracaq.
"İndiyədək şəhərinizin gözəlliyinin və qonaqpərvərliyinin təsiri altındayam. O qədər emosiyalarım var. Yayda da mütləq qonağınız olmaq istərəm. Hər yan yaşıllıq olanda Bakının necə gözəl olacağını təsəvvür edirəm", -deyə teleaparıcı xanım bildirib.
Bütün xəbərlər Facebook səhifəmizdə
USD
EUR
GBP
RUB