Azərbaycan şou-biznes nümayəndələrinin əksəriyyətini kifayət qədər yaxşı tanıdığını deyən stilist Balaş həmkarlarını yıxıb-sürüyüb. SİA-ya müsahibə verən stilist şou-biznes nümayəndələri ilə mütəmadi ünsiyyətdə olduğunu deyib.
- Balaş, Anarlarla münasibətiniz necədir? Stilist kimi qəbul edirsiniz?
-2 Anar var. Anar Ağakişiyev, bir də Anar Məlik. Onlara münasibətim yaxşıdır. Ancaq 3-cü dediyiniz Şanel Anar mənim ayağımın tozudur. O bizim köməkçimiz olub. Onu necə stilist kimi qəbul edə bilərəm?
- Bəs stilistlərdən kimləri bəyənirsiniz?
-Stilistlərdən Anar Ağakişiyevi və Şəfəqi çox bəyənirəm. Onlarla yanaşı stilist Samir Əliyevi də bəyənirəm. Sözügedən insanın öz üslubu var.
- Sizcə, Samirin stili hamı tərəfindən normal qəbul olunur?
- Yox. Təbii ki, onun stilini qəbul etmək sadə xanımlar üçün mümkünsüzdür. Ancaq stilist nəyi iləsə fərqənməlidir. Onun avanqard stilini yalnız podiumlarda istifadə etmək olar.
- Stilistin seçilməsi və tanınması üçün nə lazımdır?
-İlk növbədə stilist əl işləri ilə seçilməlidir. Və eyni zamanda özünün yaratdığı stil olmalıdır.
- Son dövrlər stilistlərin qalmaqalları olanda deyirlər ki, filankəs mənim stilimi oğurlayıb. Sizin stilinizi oğurlayan var?
- Mənim stilimi hələ ki oğurlayan olmayıb. Çünki mənim adım kimi stilim də təkdir. Balaşdan ikincisi yoxdur. Anarlar üç nəfərdir. Onlardan biri efirə çıxsa, hər biri üçün reklam olacaq.
- Müğənnilərlə işləmək rahatdır?
- Xeyir rahat deyil. Çünki hamısı lazımsız insanlardır. Bir müğənniyə sərf etdiyim vaxtı 3-4 gəlinə ayıra bilərəm.
Ceyran Əsgərqızı
Bütün xəbərlər Facebook səhifəmizdə
USD
EUR
GBP
RUB