Dünya şöhrətli ifaçı Uitni Hyustonun ölüm xəbəri bütün dünya mətbuatını lərzəyə gətirib. Sevilən ifaçının vəfat etməsi haqda xəbərlər daim yenilənir.
SİA xarici mətbuata istinadən müğənninin ölümünün təfərruatlarını açıqlayır.
Belə ki, 48 yaşlı Uitni
Hyuston fevralın 11-də axşam Los-Ancelesdə
dünyasını dəyişib. O, \"Grammy\" mükafatının təqdimat mərasimindən
əvvəl \"Beverly Hilton\" otelindəki şouda çıxış etməliydi. Müğənni
otelin işçiləri tərəfindən huşsuz halda tapılıb. Onun ağrıkəsici və
sakitləşdirici dərmanlar qəbul edəndən sonra hamam otağında vanna qəbul edərkən
dünyasını dəyişdiyi bildirilir. Həkimlərin səylərinə baxmayaraq müğənnini
həyata qaytarmaq mümkün olmayıb.
Otel otağında döşəmədə tapılan dərmanlar arasında
\"Lorezapam\", \"Ksanaks\", \"Valium\" və çoxsaylı yuxu
dərmanları olub.
Həkimlərin ilkin
rəyinə görə, müğənni sedativ preparatları qəbul edəndən sonra vanna qəbul
edərək dincəlmək fikrinə düşüb. Lakin bu dərman preparatları Hyustonun bir
qədər əvvəl qəbul etdiyi spirtli içkilərlə orqanizmdə qarışıb və öldürücü
effekt yaradıb.
Polis müğənninin öldürülməsini istisna edir. Onun üzərində zorakılıq faktları da aşkarlanmayıb.
Müğənninin yaxınlarının dediklərinə görə, ölümündən
bir qədər əvvəl o, xeyli pul itirmişdi. Bu pullar əsasən narkotik asılılıqdan
müalicəyə sərf olunub.
Cəsədin yarılmasını səbəbi açıqlanmadan təxirə
salıblar. Müstəntiqlər onun meyitinin morqda olmasını təsdiqləyib və deyiblər
ki, ekspertiza və yarılma qeyri-müəyyən müddətə təxirə salınıb. Los-Ancelesin
polis kapitanı Brayan Elias bildirib ki, \"ekspertiza olacaq,
amma nə vaxt olacağı hələ məlum deyil\".
Hyustonun cəsədi 7 saat otel otağında qalıb. Yaxınları
və dostları onunla vidalaşıblar. Bu müddət ərzində oraya kənar şəxslər
buraxılmayıb.
Kim olub Uitni Hyuston?
Müğənnilik Uitninin qanında idi. Çünki onun anası Sisi Hyuston məşhur amerikalı müğənni Areta
Franklinin bacısı qızı, populyar müğənni Dion Uorvikin qohumu idi. Areta
Franklin elə Uitninin \"xaç anası\" idi.
Uitni Hyuston dünya şöhrətini 1980-90 illərdə
qazanıb. O, ABŞ estradasının ən uğurlu ulduzu sayılırdı. O aldığı mükafatların
sayına görə Ginnesin rekord siyahısına düşüb. Bura iki "Emmi" telemükafatı, 6
"Gızıl qrammofon", "Gremmi", 30 "Bilbird" jurnalının mükafatı daxildir.
O "Mühafizəçi",
"Keşişin həyat yoldaşı", "Fasiləni gözləyərək" filmlərində əsas rollarda
çəkilib.
Hyustonun müğənni, "Being Bobby Brown" teleşousunun
ulduzu Bobbi Braunla nikahı çox uğursuz alındı. Əri onu narkotik
maddələrə dadandırdı, Uitni narkoman oldu və karyerasında uzunmüddətli fasilə
yarandı. Lakin o, batalıqdan qurtulmağa çalışırdı.
2002-ci ildə
\"Just Whitney\", 2009-cu ildə isə \"Just Whitney\" albomları
səhnəyə, karyeraya qayıdış cəhdləri idi.
1963-cü ilin
avqustun 9-da Nyuarkda doğulmuş Uitninin səsinin artıq əvvəlki möhtəşəmliyini
itirdiyi 2009-cu ildə Nyu-Yorkdakı Mərkəzi Parkda keçirilən konsretdə məlum olmuşdu.
Son illər narkotik maddələr və alkoqollu içkilər qəbul edən
Uitni Hyuston xəstə idi. Özünü pis hiss etdiyinə görə o, \"I Look To
You\" kimi uğurlu albomu ilə bağlı konsertlərini dəfələrlə təxirə salmışdı.
2009-cu ildə çıxmış albom \"Billboard\"un hit-paradında ilk
yerdə debüt etmişdi.
Son dəfə Uitni
1998-ci ildə \"It\'s Not Right But It\'s Okay\" mahnısına görə
\"Grammy\" almışdı.
Ümumiyyətlə isə Uitni
Hyustonun 411 mükafatı vardı ki, onların 6-sı \"Grammy\", 2-si
\"Ammy\", 23-ü \"American Music Awards\" və 16-sı da
\"Billboard Music Awards\"dır.
Bütün xəbərlər Facebook səhifəmizdə
USD
EUR
GBP
RUB