Azərbaycanın tanınmış stilisti, bir çox müğənnilərlə işləyən Anar Ağakişiyev
Gürcüstanda keçirilən Beynəlxalq Moda Həftəsində ölkəmizi uğurla təmsil edib.
Bu günlərdə vətənə qayıdan məşhur stilistin moda həftəsində təqdim etdiyi şou
bütün peşəkarlar tərəfindən yüksək qiymətləndirilib.
Bu barədə SİA-ya məlumat verən Anar Ağakişiyevin sözlərinə görə, moda həftəsi
üçün "Bəşəriyyət" adlı çox özəl və eksklüziv şou hazırlayıb: "Mən bu şounun belə
qarşılanacağını gözləmirdim. Həqiqətən də Azərbaycanımızı bu cür yüksək
səviyyədə təmsil etməyimdən qürur duyuram. Baxmayaraq ki, bu həftə ərzində bir
çox nömrələr nümayiş olundu, defileler keçirildi, amma məhz mənim şoum bu qədər
yaddaşlarda qaldı. Məni ən təsirləndirən məqam şoum nümayiş olunan zaman hər
kəsin məni ayaq üstə alqışlaması oldu. Ard-arda aldığım təkliflər də qazandığım
uğurun bariz nümunəsidir".
Anar Ağakişiyev bu beynəlxalq tədbirdə iştirakına görə, Ramazziyə təşəkkürünü
bildirib: "Ramazzi olmasaydı, bu tədbirdə iştirakım baş tutmazdı. Onu da
bildirmək yerinə düşər ki, moda həftəsində Ramazzinin də öz şousu oldu və
işləri kifayət qədər uğurla qarşılandı. Eyni zamanda mənə verdiyi aksesuarlara
görə modelyer Leyla Əhmədovaya minnətdarlığımı bildirirəm".
Bütün xəbərlər Facebook səhifəmizdə
USD
EUR
GBP
RUB