Qardaş ölkə Türkiyədə yayımlanan və bir çox ölkələrdə maraqla izlənilən "Yaxşı Cazibə" serialının kollektivi avqustun 31-də paytaxtımızın qonağı olublar. SİA-nın məlumatına görə, yaradıcı heyət dünən media nümayəndələri ilə görüş keçirib. Mətbuat konfransında serialın əsas qəhrəmanları ilə yanaşı "Eurovision-2011" qalibimiz Nigar Camal və aktrisa Məlahət Abbasova da iştirak edib.
Konfransa başlayan kimi aktyorlar paytaxtımızın ekoloji baxımdan təmiz və səliqəli olduğunu dilə gətiriblər. Aslıhan Gürbüz özünü Azərbaycanda deyil, sanki Türkiyədə hiss etdiyini xüsusi vurğulayıb.
Olduqca maraqlı keçən mətbuat konfransında serial qəhrəmanları digər türk həmkarlarına nisbətən daha səmimi olublar. Yumoru və hazırcavablığı ilə yerli medianın rəğbətini qazanan serialın "Kamal" obrazı-Hakan Yılmaz sadə olduqlarının səbəbini açıqlayıb: "Bizi sadəcə bir çox insanlar tanıyır. Ancaq bizim sənətimiz həkimlərdən üstün deyil. Yanımdan bir həkim keçir ki, dünən axşam bir insan həyatını xilas edib. Nə olsun ki, onu tanımırlar. Ondan daha yaxşı iş görməyəcəyik ki".
"Yaxşı Cazibə"nin "Simgə"si Hande Katiboğlu isə serialda yaratdığı obrazla həyatda oxşar xüsusiyyətlərə malik olmadığını deyib.
USD
EUR
GBP
RUB
