Azərbaycanın
əməkdar artisti, müğənni Baloğlan Əşrəfov yerli şou-biznesdən söz açdı. SİA-ya
açıqlama verən sənətçinin sözlərinə görə, o, şou-biznes sahəsini tanımır: "Mən xalqın
xidmətində özümü görürəm, şou-biznes mənlik deyil, yoxam, heç olmaram da. "Evdən qaçmışam, ərimdən boşanmışam" - bu söz şou-biznesdə tarix boyu
işlədilən sözdür. Kimi çıxır deyir: "yaxşı səsim var idi, qoymadılar oxuyum,
mən də qaçdım və ya ərim qoymurdu, boşandım". Bilirsiniz, istedadlı şəxs harada
olur-olsun, istedadı varsa, şansı varsa, oxuyacaq. Sənətə görə evdən qaçanlara,
ailəsini dağıdanlara pis baxıram. Mən heç vaxt ailəmi incəsənətə qurban
vermərəm. Ailə müqəddəsdir".
Əməkdar
artist yaşlı müğənnilərdən də danışdı: "Yaşlı
müğənnilər həm sənəti, həm də dünya təcrübəsi ilə indiki gənc müğənnilərdən seçilir.
Neynirlər şou-biznesi onlar? Yaşlı müğənnilər abır-həyalarını qoruyurlar ki,
indiki gənclərə baş qoşmasınlar. Sizə bildirim ki, şou-biznesdə mənəm-mənəm
deyənləri aparasan rayon yerində palatka toyuna, yarım saat gör canlı oxuya
biləcək, yoxsa yox".
Bütün xəbərlər Facebook səhifəmizdə
USD
EUR
GBP
RUB
