Azərbaycanı "Eurovision-2010" mahnı müsabiqəsində
təmsil edən Safurə Əlizadə geyimlərindən danışıb. Kifayət qədər cəsarətli
libaslarda görünən xanım müğənni bu
məsələyə başqa prizmadan yanaşıb. SİA-ya açıqlama verən müğənni bu sözləri
deyib: "Mən çox.cəsarətliyəm, ancaq çox açıq-saçıq geyinən də deyiləm.
Mən çox qısa şortlar geyinmişəm. Lakin mən belə məsələlərə başqa prizmadan
yanaşıram. Uşaqlıqdan baletə və uzgüçülüyə getmişəm. Axı niyə biz kimisə
çimərlik paltarında görəndə təəccüblənmirik? Amma səhnədə bir az açıq geyinənə
pis baxırlar. Bizimkilər sadəcə, öyrəşməyiblər. Nə olsun ki, mən qısa
geyinirəm? Ancaq özümü elə aparıram ki, mənə yaxınlaşmağa belə qorxurlar. Məni sevənlər kifayət qədərdir. Sevməyənləri isə
məcbur edə bilmərəm. Məni sevməyənlərə nifrət də etmirəm. Çünki bu, çox
normaldır. Düzdür, hərdən olur ki, bəzi insanlar ağızlarının danışığını
bilmirlər, hərəkətlərinə fikir vermirlər, təhqir edirlər. Ancaq mən buna görə
əsəbləşmirəm. Hər kəs öz tərbiyəsini göstərir. Kim nə deyir desin, ancaq mən
heç kimə fikir və cavab vermirəm. Çünki mənim öz səviyyəm var. Məhz elə buna
görə də mən bu gün səhnədəyəm".
Bütün xəbərlər Facebook səhifəmizdə
USD
EUR
GBP
RUB