Azərbaycanın əməkdar artisti müğənni Aybəniz Haşımova yerli şou-biznesdən söz açıb. SİA-ya açıqlama verən Aybəniz xanımın sözlərinə görə, şou-biznesin sadəcə adı var: "Ümumiyyətlə, Azərbaycanda şou-biznes faktorunu görmürəm. Bizdə şou-biznesin adı var, özü yox. Şou-biznes xaricdədir. Sənətçilər milyonlarla disklərindən, albomlarından pul qazanırlar. Azərbaycanda isə... Bir müğənni ki, özü konsertinin biletini tamaşaçıya verə ki, ay aman, gəl otur, məni izlə, buna şou-biznesmi demək olar?! Yox. Disklərini çıxarıb, özləri camaata paylayırsa, bunun nəyi şou-biznes oldu, ay sənin qadan alım?! Şou-biznes odur ki, oxuduğun, hazırladığın yaradıcılıq məhsulundan pul qazanasan. Bunu isə hələ ki, heç bir müğənni edə bilməyib. Əslində, şou-biznes çox yaxşı şeydir. Onu yaratmaq lazımdır. Nə qədər ki, bir-birimizə paxıllıq edəcəyik, şou-biznes daxil olmaqla, heç bir sahədə inkişaf istədiyimiz kimi olmayacaq.
Bütün xəbərlər Facebook səhifəmizdə
USD
EUR
GBP
RUB
