Bizim tamaşaçı bir qədər tələbkardır və ifaya tənqidi yanaşır, ona görə ki, doğma bir ifanın sintezini eşidir. Əcnəbinin eşitdiyi isə yad bir ölkənin musiqisidir. Bu səbəbdən ifalar arasında fərqlilik yaratmaq zərurəti olur. Elə bu sualla müğənni Sevda Ələkbərzadəyə müraciət etdik.
SİA-ya açıqlama verən Sevda xanım məsələyə özünə məxsus şəkildə yanaşdı: "Əslində Avropa tamaşaçısı da tələbkardır. Konsert zamanı zalda milçək uçarsa səsi eşidilir. Onların musiqi informasiyası genişdir. Məsələyə bir qədər başqa tərzdən yanaşaraq, Azərbaycana gələn əcnəbi musiqiçilərdən danışmaq istəyirəm. Bizdə daha çox türk və kürd musiqiçilər konsertlər verirlər. Adı bizə tanış olan əcnəbi musiqiçilər bura az hallarda gəlirlər. İldə bir dəfə isə caz festivalı keçirilir. Avropanın konsert səhnələrində isə dünya ulduzları çıxış edir, sanballı festivallar keçirilir, orada məşhurların albmoları satılır, keyfiyyət üstündür. Bu səbəbdən də informasiyaları genişdir və orada mənim konsertimə də gələn insan konsertin keyfiyyətini anlaya bilir. Bizdə isə türk və kürdlərin musiqisini dinləyən tamaşaçı caz festivalına maraq göstərmir. Çünki o, bu mühitin tamaşaçısı deyil. Eyni zamanda, bizim tamaşaçı avropalıdan fərqli olaraq, yalnız ifaya aludə olmur. Eyni zamanda səhnəni, müğənnini gözdən keçirir. İfaçının nə geyindiyi, hansı tərzdə olduğu onun üçün maraqlıdır. Bundan başqa masada əyləşən tamaşaçı yanında oturduğu insanla dialoq qurur, həmçinin süfrədəki təamlara biganə qalmır. Lakin avropalı bütün bu göstəricilərin fonunda səni elə sakitliklə dinləyir ki, burada məsuliyyət birə-beş artır".
Sevda xanım həmçinin fərqli tamaşaçılar qarşısında çıxış etməkdən də söz açdı: "Yox qıcıq yaratmır. Mən öz publikamızı çox sevirəm. Filarmoniyadakı konsertimdə o qədər sakit bir publikanın qarşısında çıxış edirdim, bu da mənim üçün bir məsuliyyət idi. Ola bilsin bu, orada masaların olmamasından irəli gəlib. Bir məqamı qeyd edim ki, mən 18 ildir səhnədəyəm və tamaşaçım məni çox yaxşı tanıyır. Lakin avropalı üçün mən yeniyəm və daha maraqlıyam. Hər bir konsertimdə dəfələrlə məni səhnəyə qaytarırlar".
Bütün xəbərlər Facebook səhifəmizdə
USD
EUR
GBP
RUB
