Xalq artisti, cənab \"qızıl şlyager\" Faiq Ağayevin SİA-ya müsahibəsi:
- Xalq artistinin həyatında hansı amillər üstünlük təşkil edir?
- Bəzi məqamlarda feodalam. Bəzən isə çox demokratam. Ümumiyyətlə, bəzi məqamlarda utopistəm. Kommunist olmasam da sosialist yönümlüyəm.
- Məsələn?
- Sosializmin əsas şüarı: "Hər kəsdən bacarığına görə, hər kəsin
əməyinə görə!.." Bu, prinsipin tərəfdarıyam. Şəxsi münasibətlərdə feodalam. Tənqid eşitmək baxımından, plüralizim və demokratiya
tərəfdarıyam. İstəyirəm ki, ətrafımda ağıllı və peşəkar insanlar olsun. Ona
görə də utopistəm. Azad iqtisadiyyat şəraitində yaşayırıq. Min şükür ki,
belədir! Kapitalizmin əsas prinsipi budur ki, sən biznesin hər hansı sahəsində
olursansa, azad olasan və hərəkət edə biləsən. Öz biznesimdə azad və gəlirli
olmaq istəyirəm.
- Ailə sənətçi üçün önəmlidir?
- Şəxsən mənim üçün çox önəmlidir.
Atam-anam, qardaşlarım mənim üçün bu dünyada toxunulmaz insandırlar. Onların
mənafeylərini qorumalıyam, qeyrətini çəkməliyəm və qeydinə qalmalıyam. Amma indi
dəyərlər dəyişib. Əvvəllər ailə doğrudan da müqəddəs idi. Onda boşanmağa
çox pis baxırdılar. Nəyin ki, ərə gedən qadınlara, hətta, ikinci dəfə evlənən
kişiyə belə pis baxırdılar. Amma zaman dəyişir. Zamanın tələbləri də, dəyərləri
də dəyişir. Dünən siqarət çəkən qadına pis baxırdılarsa, bu gün əksəriyyəti
buna normal yanaşır.
- Ancaq yeni xəbər deyil ki, göz önündə olan sənətçilərin ailə qurmağa
ciddi yanaşmaması cəmiyyətə eləcə də
yeni nəslə təsir edir.
- Çünki sənətçilər göz qabağındadırlar. Eyniylə boşanan və evlənən müğənni
kimi, digər sadə insanlar da var. Mühəndis, jurnalist və başqa sahələrin
təmsilçiləri cəmiyyətin ovucunun içərisində deyillər, görünmürlər. Ona görə də
onlar müzakirə olunmurlar. Sənətçilər cəmiyyətin fikir hədəfindədirlər deyə,
ona görə də onları qınayırlar, fikir bildirirlər.
Bütün xəbərlər Facebook səhifəmizdə
USD
EUR
GBP
RUB