Jude Lou "Kreml sehrbazı" filmində Vladimir Putini canlandıracaq.
SİA xarici qaynaqlara istinadən xəbər verir ki, bu məlumatı aktyorun özü jurnalistlərlə söhbətində təsdiqləyib.
Filmin hadisələri 1990-cı illərdə cərəyan edəcək və süjetdə əsas diqqət qondarma siyasi strateq Vadim Baranovun üzərində olacaq.
Filmdə başqa ulduz aktyorlar da çəkiləcək.
Deadline müxbiri ilə söhbətində britaniyalı aktyor Jude Lou "Kreml sehrbazı" filmində Vladimir Putini canlandırmaq üçün müqavilə imzaladığını təsdiqləyib.
Rejissor kreslosunu fransız Olivye Assayas tutur. Ssenari Giuliano da Empolinin 2022-ci ildə eyniadlı kitabına əsaslanır.
Filmin hadisələri 1990-cı illərdə, Putin siyasi karyerasına yeni başlayanda cərəyan edəcək. Hekayə Pol Danonun canlandırdığı qondarma siyasi strateq Vadim Baranovdan bəhs edir. Vladislav Surkov Baranovun prototipi olub.
Jude Lou özü də təsdiqləyib ki, onun əsas rolu yox, köməkçi rolu var.
Filmdə ona Alisiya Vikander, Zak Qalifianakis və Tom Sturric də qoşulacaq.
Filmin nümayiş tarixi hələ məlum deyil.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB