Müğənni Castin Timberleyk ictimai işlərə məhkum edilib. ABŞ-ın Nyu-York ştatında rayon hakiminin verdiyi qərara əsasən, sənətçi sərxoş vəziyyətdə avtomobil idarə etdiyi üçün 25 saat qeyri-kommersiya təşkilatında işləməlidir.
SİA xarici qaynaqlara istinadən xəbər verir ki, Associated Press-in məlumatına görə, bundan əlavə, Timberleyk 500 dollar cərimə ödəməlidir - 260 dollar əlavə ödənişlə.
Həm də açıq şəkildə üzr istəmək və sərxoş vəziyyətdə sürməyin təhlükələri haqqında danışmaq...
Müğənni son tapşırığı uğurla yerinə yetirib. Məhkəmə binasını tərk etdikdən sonra Castin jurnalistləri davranışının səhvini tam başa düşdüyünə əmin edib.
O, pərəstişkarlarını səhvlərini təkrarlamamağa çağırıb. Sənətçi deyib ki, əgər spirtli içki qəbul etməli olursan, ya taksi çağırmalısan, ya da bir dostdan getməyi xahiş etməlisən - çoxlu imkanlar var.
Timberleyk sonuncu dəfə iyun ayında sərxoş vəziyyətdə avtomobil idarə etdiyinə görə həbs edilib. İttiham onu 1000 dollar cərimə və bir il həbslə hədələsə də, müğənni istintaqla razılığa gəlib və günahını etiraf edib.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB