Azərbaycanla Türkiyə arasında strateji tərəfdaşlığa dair bəyannamənin "Şuşa Bəyannaməsi" adlandırılmasının mühüm tarixi əhəmiyyəti var. Bu sözləri SİA-ya verdiyi açıqlamasında Beynəlxalq Dialoq və İnkişaf Alyansının sədri, COJEP Beynəlxalq Təşkilatının Avroasiya ölkələri üzrə koordinatoru Nüşabə Məmmədova deyib.
Alyansın sədri vurğulayıb ki, "Şuşa Bəyannaməsi" Azərbaycan-Türkiyə arasında olan strateji ortaqlığı daha da yüksəklərə qaldıracaq mövqe sənədidir.
“Son illərdə Azərbaycan ilə Türkiyə arasında olan müttəfiq münasibətlərin bütün istiqamətlərdə ən yüksək zirvələrdə möhkəmlənməkdədir. Xüsusilə 44 günlük II Qarabağ müharibəsində Türkiyənin Azərbaycana olan əvəzedilməz hərbi və siyasi dəstəyi hər birimizdə böyük ruh yüksəkliyi yaratdı. Biz tarixi zəfər sevincimizi qardaş Türkiyə ilə paylaşdıq. Hərbi parad önündə Azərbaycan-Türkiyə Prezidentləri birgə addımladı və bu, bütün dünyaya nümayiş olundu. İndi Türkiyə artıq işğaldan azad edilmiş ərazilərdə bərpa işləri prosesində edəcəyi dəstəyini bütün dünyaya bəyan edir. Türkiyə bəyan edir ki, II Qarabağ müharibəsində verdiyimiz dəstək bundan sonra da davam edəcəkdir.
Türkiyə Prezidenti Rəcəb Tayyib Ərdoğanın Azərbaycana səfərində ən önəmli addımlardan biri də Şuşada baş konsulluq açılmasının bəyan etməsi idi. Hazırkı dönəmdə Türkiyə Prezidenti tərəfindən olunan bu ciddi siyasi jest mühüm əhəmiyyətə malikdir. Bu gün Ermənistan və ona havadarlıq edən qüvvələrin niyyəti göz qabağındadır. Ermənistan rəhbərliyi hələ də Şuşaya olan iyrənc xülyalarından əl çəkməyiblər. Qarabağ, Şuşa ilə bağlı açıqlamalar verirlər. Türkiyə Şuşada konsulluq açmaq barədə jesti etməklə aqqressiv qüvvələrə, Ermənistanı bu kimi xülyalara sürükləyən bəzi havadarlarına bəyan etdi ki, Türkiyə II Qarabağ savaşında olduğu kimi, bundan sonra da Azərbaycanın yanındadır. İşğaldan azad olunmuş Qarabağ torpaqlarının bərpa prosesində məhz Türkiyə vardır.
Tarixi "Şuşa Bəyannaməsi"ndə digər bir çox önəmli məsələlər öz əksini tapır. Beynəlxalq müstəvidə birgə əməkdaşlıq, iqtisadi-ticarət əlaqələri, mədəniyyət, təhsil, idman, gənclər siyasəti, demək olar ki, bütün sahələr əhatə olunur. İmzalanmış bəyannamədə bütün yuxarıda qeyd olunan sahələrdən ən vacibi hərbi sənayenin inkişafında Türkiyənin rolunun artırılacağıdır. Türkiyə Prezidenti Rəcəb Tayyib Ərdoğan bəyanat etdi ki, bizim gücümüz Azərbaycanın gücüdür. Bu, Azərbaycana verilən tarixi dəstəkdir və beynəlxalq aləmə mesajdır”, deyə Nüşabə Məmmədova bildirib.
Bütün xəbərlər Facebook səhifəmizdə
USD
EUR
GBP
RUB