Ermənistan baş nazirinin Moskvaya səfərindən əvvəl də seçki məsələsinin də gündəmdə olacağı elan edildi - çox güman ki, tərəflər seçkilərin keçirilməsi şərtləri barədə razılığa gəldilər.
Rusiya prezidenti Vladimir Putin və Ermənistanın baş naziri Nikol Paşinyan, çox güman ki, qarşıdakı seçkilər zamanı "oyun qaydaları" barədə razılığa gəldilər. SİA xəbər verir ki, bu sözləri siyasi məsləhətçi Viqen Akobyan bir gün əvvəlki iclası şərh edərkən Sputnik Ermənistana söyləyib.
Qeyd edək ki, Rusiya prezidenti ilə Ermənistanın baş naziri arasında medianın iştirakı ilə keçirilən görüş bir neçə dəqiqə davam edib və bundan sonra iki ölkənin liderləri qapalı iş formatına keçiblər.
Siyasi strateqə görə, Paşinyanın Moskvaya bu səfəri heç bir halda "növbətçi" kimi qəbul edilə bilməz. Erməni baş nazir üçün bu ilk növbədə seçkiqabağı proseslər kontekstində vacib olsa da, Moskva üçün qarşıya qoyduğu məsələləri həll etməyə çalışdığı vacib bir iş toplantısıdır.
"Hər halda, bu iclasın özəlliyi seçkiqabağı fon idi. Eyni zamanda Paşinyan tərəfindən ən azından ictimaiyyət qarşısında qaldırılan məsələlərin birbaşa seçki gündəliyi ilə əlaqəli olduğunu qeyd etmək lazımdır", deyib strateq.
Nəzərə çatdırılır ki, məsələn, hərbi əsirlər kimi ortaya atılan qondarma məsələsinin də seçki kampaniyası başlamazdan əvvəl həll edilməsi çox vacibdir Paşinyan üçün. Əks təqdirdə baş nazirin mövqelərinə ciddi zərbə vurulacaq. Bəlkə də bunun müqabilində Paşinyan razılaşmaları düzəltməyə, vəziyyəti sabitləşdirməyə və bölgədəki kommunikasiyaların kilidini açmağa çalışan Rusiyanın gündəmi ilə razılaşmağa hazırdır.
"Ən əsası, Paşinyanla görüşdükdən və rəqibi Robert Koçaryanla telefon danışıqları apardıqdan sonra Putin əslində hər birinin Qarabağdakı həll üçün "qırmızı xətt"in olduğu yerləri anlamaq istəyib", deyə siyasi məsləhətçi qeyd edib.
O, diqqətə çatdırıab ki, Moskvaya səfəri zamanı Paşinyan seçki kampaniyası üçün vəziyyəti maksimum "sıxmağa" çalışıb. Qondarma məhbus problemi ilə yanaşı, Rusiyanın bu mövzuya həssas olduğunu və yeni bir nüvə stansiyası inşasını da yaxşı bildiyindən Sputnik V peyvəndi məsələsini də qaldırıb. Putinin son sualına isə heç bir reaksiya verilməyib, çox güman ki, bu, Rusiya gündəmində deyil.
Ekspert hesab edir ki, Sputnik V peyvəndinin Ermənistanda qeydiyyata alınıb-alınmaması barədə sual Rusiya prezidenti tərəfindən təsadüfən verilməyib. Əslində, Ermənistanda müsbət cavab verən Paşinyanın açıqlamasını düzəltməyə çalışıblar. Baş nazirin qaldırdığı bütün suallar bu və ya digər şəkildə birbaşa və ya dolayısı ilə seçkilərlə əlaqəli olub.
Görüşün nəticələrinə gəldikdə isə, hansıki, Paşinyan guya onlardan məmnun olduğunu bildirib, bəzi məsələlərdə tərəflər konkret razılaşmalar əldə edə bilərdilər, amma, bunlar qısamüddətli gündəliyə aid ola bilər.
Eyni zamanda, siyasi məsləhətçinin fikrincə, rəsmi mesajların olmamasına baxmayaraq, Ermənistanda seçkilər məsələsi də müzakirə olunub. İclasdan əvvəl bunu Putinin mətbuat katibi Dmitri Peskov da söyləyib. Məhz buna görə, Akopyanın fikirlərinə əsasən, səfərdən əvvəl, Ermənistan baş naziri seçkilərin ədalətli olacağını söyləyərək, digər qüvvələrin, xüsusən də Robert Koçaryanın iştirakında maraqlı olan Rusiya rəhbərliyinə müəyyən zəmanətlər verməyə çalışıb.
"Düşünürəm ki, bu da müzakirə olundu və "oyun qaydaları"nda razılığa gəlindi. Başqa bir sual, bunlara riayət ediləcəyi ilə bağlı ola bilər", deyə siyasi strateq əlavə edib.
Akobyanın müşahidəsinə görə, ehtimal ki, postsovet məkanında ilk dəfə Rusiya hakimiyyəti yaxınlaşan seçkilərin fonunda mütləq bərabərlik nümayiş etdirir, həm Robert Koçaryanın şəxsində, həm də müxalifətlə münasibətdə. Bundan əvvəl isə Moskva yalnız mövcud hakimiyyət orqanları ilə qarşılıqlı əlaqədə olub.
Qeyd olunur ki, rəsmi olaraq, Rusiyanın Ermənistanın "daxili işi" nə istinad edərək bu hesabla bağlı hər hansı bir açıqlama verməsi ehtimalı yoxdur. Ancaq Ermənistan rəhbərliyi yaxın aylarda Rusiya hakimiyyət orqanlarının çox güman ki, rəsmi qurumlarla deyil, müxalifətlə də qeyri-rəsmi şəkildə işləyəcəyinə hazır olmalıdır.
Xatırladaq ki, Ermənistanda növbədənkənar seçkilər gözlənilir. Bu ölkə müxalifəti baş nazir Nikol Paşinyanın və onun komandasının hakimiyyətdən getməsi üçün çalışır. Paşinyan isə öz hakimiyyətini qorumağa çalışır və bu fonda erməni cəmiyyəti hadisələri izləmək məcburiyyətindədir. Heç şübhəsiz ki, erməni baş nazir də Rusiyaya səfər etməkdə yalnız öz hakimiyyətini qorumağa çalışır və ekspertin fikirlərində də bu aydın şəkildə ifadə olunur.
Bütün xəbərlər Facebook səhifəmizdə
USD
EUR
GBP
RUB